U Myntri Rangbah ka jylla Conrad K. Sangma hynne ka sngi ka 22 Kyllalyngkot 2025 u la ioh ban plie paidbah ia ka jaka ïalehkai lane ka Indoor Sports Hall kaba don ha Lummawnah, East Khasi Hills, Shillong.
Ia kane ka Hall ïalehkai kaba paka la pynlut haduh 1.50 klur da ka jingkyrshan jong ka Sorkar Jylla.
Haba ai jingkren ha kane ka sngi, na ka liang u Myntri Rangbah u la ai jingiaroh ia u Bah Hamlet Dohling uba dei ruh u MLA barim bad u President ba mynta jong ka Meghalaya Football Association (MFA), namar ka jinglong la kloi ban wanrah ka jingtyrwa ia kane ka Projek bad pyndep ha ka por. U MR u la ban jur ruh halor ka jingdonkam na ka bynta ban poi pynshlur ia ki samla ban ïalehkai bad ban hikai ruh ba kin mlien ban im da kane ka lynti.
Ha kane ka sngi, ka Dorbar Shnong ka la pynpaw bad tyrwa ruh na u Myntri Rangbah ba un iarap ban pynbiang ia ki jingdonkam ha kane ka hall kum ki tiar ïalehkai bad kiwei kiwei ki jingdonkam. Ka Dorbar Shnong ka la kyrpad ruh ia u MR ba un wad lynti na ka bynta ban pynioh sa ka Art’s and Culture-Auditorium Hall na ka bynta ka jingsuk bad ka jingmyntoi ka dong ka thaiñ.
Ha kaba iadei bad kane ka bynta, u Conrad u la mynjur ban pynbiang ia ki tiar ïalehkai ki ban pyndonkam ha kane ka hall ba thymmai ki ban long ruh shi bynta ban pynshlur ia ki samla ha ka kam ïalehkai.
