Ka seng FKJGP-Khliehriat Circle mynta ka sngi hapoh ka jingialam u President ka seng u Bah Michal Chyrmang bad u Secretary ka seng u Just Me Sana ryngkat ki Dkhot ka seng, hadien baka seng kala ioh shibun ki jingujor na ki paidbah haba iadei ka jingdon uwei u bar Jylla ba die Umsoh (Street Vendor) hapoh Compound u Deputy Commissioner ka East Jaintia Hills ka leit ban tohkit mar mar ia utei u bar jylla.
Nakaliang ka seng khlem da pynslem kala leit kyndang ia utei u bar Jylla bad haba ka seng ka tohkit ia utei u bar Jylla la u la dep ioh jingbit ne em na ka DC Office ban die Umsoh (Street Vendor) hapoh ka Compound hynrei utei u bar Jylla u ong em, ynda ka seng ka kylli ia ka Trading Licence u tei u bar Jylla u khlem lah ban pyni sha ka Seng bad hadien ka jingtohkit ka seng bad la shem ba utei u bar Jylla u la shong die Umsoh (Street Vendor) beaiñ hapoh ka Compound u Deputy commissioner ka East Jaintia khlem ka jingbit bad mar kumta ka seng kala beh ia utei u bar Jylla napoh Compound U DC.
Kaba sngew phylla ba kumno utei u bar Jylla u ioh die Umsoh hapoh Compound DC, Balei? kibor badei peit kim iohi mo ia utei uba shong die beaiñ, buh jingkylli ka seng. Lada ia ki Trai ri Trai muluk ki hap ban iakhun ia ka permission lane ka Tender ban ioh buh dukan hapoh Compound u Deputy Commissioner te kumno pat u bym ioh permission u ioh shong sahuh hapoh Compound, ka aiñ kadei ban long salonsar kamdei ban noh shilliang pynkut ka kyrwoh na u President ka seng u Bah Michal Chyrmang.