Ka lympung ïalehkai jong ka Meghalaya Games 2025 kaba la jam sha ka sngi ba saw mynta ka sngi 23 tarik u Kyllalyngkot 2025, ha kaba ïa ki jait jingïalehkai bapher bapher la pynlong ha Mukhla, Khliehtyrshi, Wahiajer bad Jowai West Jaiñtia Hills District.
Haba phai sha ka jingïakhun jong ka Wushu bala pynlong ha Jowai Presbyterian U.P School Indoor Hall haka liang ki kynthei 45kg ïaka takma ksiar la jop da ka Sisila Dkhar na EJHD, ïa ka takma rupa la ïoh da ka Rebecca Nongbri na EKHD, ïa ka takma rnong la ïoh da ka Ibaniewkor Nongrum bad ka Aitimara Wahlang kiba na EWKHD.
Ha ka liang ki kynthei 52 kg ïa ka takma ksiar la ïoh da ka Rijanai Ryndong na EKHD, ïa ka takma rupa la ïoh da ka Samjana Phawa na EJHD, ïa ka takma rnong la ïoh da ka Clary Airi Klein bad ka Thaneng Klein kiba na Ri-Bhoi District.
Katba ha ka liang ki shynrang 48 kg ïa ka takma ksiar la ïoh da u Josiah Hynñiewta na WKHD, ïa ka takma rupa la ïoh da u Salmi Phawa, ïa ka takma rnong la ioh da u Pyndaplang Marak na EKHD bad u Lambhakidame Lamare na WJHD.
