Ka Meghalaya Pollution Control Board ha ka 24 tarik Kyllalyngkot 2025 ka la pynlong ia ka Public hearing ne ka Jingpynsngew paidbah na ka bynta ka par tih Mawshun kumba 9.16 hectare jong ka M/S Gold Cement Limited ha Umsangat Musiang Lamare East Jaintia Hills .
Ia ka jingialang jong ka jingpynsngew paidbah (Public Hearing) la pyniaid da u shonknor u Bah G Warjri Additional Deputy Commissioner East Jaintia Hills ha ryngkat ka jingaidonlang da u Bah F. Laloo Ophisar jong ka Meghalaya Pollution Control Board bad ki nongtrei jong ka Meghalaya Pollution Control Board ha ryngkat ki bor Pyniaid jong ka District Administration jong ka East Jaintia Hills ki Ophisar ki nongtrei jong ka M/ S Gold Cement Limited , ki nongialam Shnong ba wan sha kane ka public hearing bad ki paidbah nongshongshong.
Ha kane ka jingialang la ailad ia ki paidbah nongshnong ban ai jingkren ha kane ka jingpynsngew paidbah bad kiba ai jingkren ki don kumba 21 ngut bad na 21 ngut 2 ngut ki paidbah kiba pyrshah ia kane ka Public hearing.
Na ka liang jong u Additional Dc u la pyntip ba na ka liang ka tnad pollution kan sa phah ia ki report kiba ki paidbah ki la pynsngew ha kane ka public hearing bad kin sa phah sha ki bor ba dei peit jong ka state Environment Impact Authority jong ka Sorkar ban ai ne ym ai ia ka clearance na ka bynta ban tih ia u par Mawshun jong ka M/ S Gold Stone Cement Ltd.
