Ha ka Jingïalang Paidbah bala pynlong da ka Mukhla Dorbar Pyllun hynnin ka sngi 23/01/2025 haka Community Hall ka Mukhla Dorbar Pyllun, ha kaba la wan ban ïadonlang na ki 5 tylli ki Waheh Shnong hapoh ka Mukhla Pyllun.
Ha kane ka jingïalang da kawei ka jingmut kila shim ïa ka rai ban ai jingkyrshan pura ïa u MDC ba mynta u ma Ailad Bhoi u ban ïakhun kum u kyrtong MDC na ka party NPP naka 5-Mukhla Ummulong Constituency.
Ïa kane ka jingïalang paidbah da pynïaid da u Chairman u Wh. Teng Sari uba long ruh u Chairman ka Dorbar Chnong Mukhla Nongrim, kynthup naduh ki nongïalam shnong kata u Waheh Shnong Mukhla Nongrim, Waheh Shnong Mukhla Mission, Waheh Shnong Mukhla Shohshrieh, Waheh Shnong Ladmukhla bad u Waheh Shnong Mukhla Umlangshor, haka jingdonlang u General Secretary/President ka Mukhla Dorbar Pyllun, ki riew rangbah ka shnong nalor u MLA ka Jowai ma Wailadmiki Shylla.
Ki longkmie bad ki longkpa na ki 5 shnong ha Mukhla kila wan ban ai jingkyrshan ha kane ka jingïalang ban pynjop don burom ïa utei u kyrtong ka NPP kumba kila dep pynjop ïa u haka Election MDC 2019.
