Ka jingpynbna ban thep kyrteng sha ka Elekshon Khasi Hills Autonomous District Council kan sdang naduh ka 27 tarik Kyllalyngkot 2025 , ha kaba yn pyntreikam ruh ia ka Model Code of Conduct.
Haba kren sha ki lad pathai khubor Ka Deputy Commissioner East Khasi Hills District ka Kong RM Kurbah kaba dei ruh ka Returning officer na ka bynta ka elekshon District Council sha ka KHADC ka la ong ba ka jingthep vote na ka bynta kane ka elekshon la buh ban long ha ka 21 tarik Rymphang katba ka jingniew vote kan long ha ka 24 tarik Rymphang 2025.
Ka bor Synshar District ka la pynpaw ba ka jinglong jingman ka suk ka saiñ ha East Khasi Hills ka dang ïai shongsuk shongsaiñ, lait noh ha ki katto katne ki bynta, ïa kiba yn sa pynbeit katkum ka jingdonkam.
Ka la ong ba ki Kyrtong kiba iakhun ia ka elekshon kin don ka jingpynlut kaba ₹12 lak, bad ia ka pisa ba la buh ban thep kyrteng la buh ₹3,000.
Ia ka thup kyrteng thep vote ba khatduh yn pynmih ha ka 27 tarik Kyllalyngkot, ynda la pyntreikam ia ki Electronic Voting Machines (EVMs) yn buh bha ia ki ha ka kamra ba khlain jong ka ISBT shwa ban phah sha ki jaka thep vote ha ka tarik ba la pynbna.
Na ki 15 tylli ki konstitwensi jong ka KHADC yn pdiang kyrteng ha ki lai tylli ki jaka bapher bapher—10 tylli ha ISBT, 3 tylli ha ophis Deputy Commissioner, bad 2 tylli ha Pynursla. Hynrei ka jingniew vote na ka bynta baroh ki konstitwensi yn pynlong ha ISBT.
