Ki kyrtong jong ka UDP kiba la wan thep kyrteng ha ka 31 tarik Kyllalyngkot 2025 ha ISBT Mawïong ki kynthup ia u Bah Mathew BeyondStar Kurbah na Mawphlang Diengiei konstitwensi , u Bah Mitchell Wankhar na Laban Mawprem konstitwensi , u Bah Aguster Jyrwa na Jaïaw konstitwensi , u Bah Desmond K.L Mawlong na Nongthymmai konstitwensi.
Haba kren sha ki lad pathai khubor na ka liang u Bah Mathew Beyondstar Kurbah u la ong ba u don jingkymen ban ïoh ia ka jingjop namar u la dei lypa u MLA Jong ka Mawphlang Diengiei konstitwensi bad u kyrmen ba ki paidbah kin pynjop donburom ia u kum u MDC kum u MLA u la dep ban trei lypa shibun ki kam ha ka konstitwensi.
U Bah Desmond K L Mawïong Kyrtong ka UDP na Nongthymmai konstitwensi haba kren sha ki lad pathai khubor u la ong ka thong lada poi sha ka jingjop u kwah ban pyntreikam ia ka Traditional Health Medicine Commission kaba la don lypa bad ka ba tlot bor namar ym don ba buddien ban pynskhem ia kane ka aiñ bad yn shim nyngkong ia kane ban pyntreikam lada poi sha District Council kum u nongmihkhmat.
U la bynrap ka jingialeh ka don beit lada mih shakhmat ban ïakhun ia ka Elekshon lada hap ïakhun bad u Bah Pyniaid ne badno badno ruh bad kyrmen ban poi sha ka thong.
Na ka liang u Bah Aguster Jyrwa Kyrtong ka Jaïaw – Mawprem konstitwensi haba kren sha ki lad pathai khubor u la ong u ai khublei ia u Bah Paul Lyngdoh MLA ba la ai lad ban ieng ialeh ia kane ka MDC bad da ka jingtrei shitom ngin kyrmen ban poi sha ka thong jong ka jingjop.
U la bynrap “bun napdeng jong ngi baroh kiba ieid jaitbynriew kiba kit ha ki Sengbhalang ,ba don ha ka kam sorkar , ki riewshimet bad ha baroh ngi ieid ia ka Jaitbynriew. Ha ka kynti kaba mynta ngi donkam ban pyni ia ka kam ba ngi trei khamjam ia ka kam namar lada ngim lah ban trei ngi shu kren kata ka long kaei kaei kaba sngewsih ai ba ka kam kan trei khamjam ban ia ka ktien” .
Shwa ban pynkut u la ong ai ba ngin pynkhlaiñ ia ka Sixth Schedule baroh ki kwah ban pynkhlaiñ ia ka Sixth Schedule , Kum ka Party ka UDP ka don ban pynkhlaiñ ia ka Sixth Schedule bad ngi kyrmen ban ioh synshar ha District Council.
Haba kren sha ki lad pathai na ka liang u Bah Mitchell Wankhar u la ong u kyrmen ban jop ia kane ka Elekshon MDC namar ba ki kyrtong kiba ïakhun pyrshah ia u kim don ia ka jingshemphang bad na ka liang jong u Bah Mitchell Wankhar u la ong donkam ia ki briew ba la shemphang ha District Council s ban wanrah shuh shuh ia ki aiñ ban pynkhlain shuh shuh ia ka Sixth Schedule.
