U Bah Finest Kharkongor Kyrtong NPP na Mylliem konstitwensi u la wan thep kyrteng ialade ha ka 31.01.25 ban ïakhun ia ka Elekshon MDC sha KHADC ha ISBT Mawïong.
Na ka liang u Bah Finest Kharkongor Kyrtong NPP jong ka Mylliem konstitwensi haba kren sha ki lad pathai khubor u la ong ki samla jong ka Mylliem ki phai khmat sha u kum u samla Rangbah khamtam ka jingdon syndah jong i bah Hamlet Dohling u briew ba ju trei na ka bynta ka bit ka biang jong ka Mylliem konstitwensi haduh kat kine ki sngi ruh bad ngin ia trei ryngkat lang bad i Bah Hamlet na ka bynta ka jingbit jingbiang jong ka konstitwensi Mylliem.
Shuh shuh u la ong ki paidbah ka Mylliem konstitwensi ki dang shaniah ia i bah Hamlet naduh ki Nongshong shnong naduh Lummawbah haduh Mylliem Lum ki dang shaniah ia ka jingtrei shitom jong i bah Hamlet haduh mynta ruh ym ju shong kli kti shibun ki kam pynroi i dang wanrah sha ka Mylliem konstitwensi bad ngeit skhem hapoh ka jingialam jong i ngin kheit ia u soh jong ka jingjop .
Ka Party NPP hapoh ka jingialam jong i bah Hamlet kam ju ialam bakla ne shet kylla ia ki paidbah katba kiwei ki party ki ialam bakla ia u paidbah khamtam ia ki khun samla ki thok ki shukor tang ban jop ia ka Elekshon.