Ka Kong Daniella Nonglait ha ka 1 tarik Kyllalyngkot 2025 ka la wan thep kyrteng ialade ha ISBT Mawïong.
Haba kren sha ki lad pathai khubor na ka liang ka Kong Daniella Nonglait ka la ong ka dei tang ma ka ka longkmie ba ïeng pyrshah ia 5 ngut ki candidate ka thong ban ialeh ia kane ka MDC Elekshon ka kyntu ban ailad noh ia ka longkmie na Mawlai bad ka la ong ruh lada ka BJP ka synshar ki Rangbah Shnong kin ioh noh ia ka tulop man u bnai ba ki donkam kaba ar ki longkmie, kiba niah kali kamai, ki nongtrei kynta bad lada ka BJP ka ioh ia ka bor kan ai jingiarap 2000 hajar tyngka man u bnai. Ka la kyntu ia ki nong Mawlai ba kin kyrshan ia ka BJP ha ka kynti kaba mynta.
Shuh shuh ka la ong dei ban ailad ia ka BJP kaba don ha ka sorkar pdeng haba peit ia ka Assam kumno ka kiew bha ha ka roi ka par bad ha Jylla Meghalaya ka sahdien bad dei ban ailad noh ia ka BJP ban ioh ia ka roi ka par.
Kumban shu pynkynmaw ha Mawlai konstitwensi ki Kyrtong kiba ïakhun ki don haduh 6 ngut ka Kong Daniella Nonglait na Ka BJP, u Bah Teibor Pathaw Kyrtong shimet , u Bah Process T Sawkmie Kyrtong shimet , u Bah Seiborlang Lyngdoh Nonglait Kyrtong shimet , u Bah Wanseng Jyrwa Kyrtong Congress , bad u Bah Eddieson Kharumnuid na ka VPP.