Ban pyrto ïaki kam ba bha kiba u ma Damian S War u leh naka bynta ka shnong kum u Waheh Shnong ka Dorbar Shnong Namdong-B West Jaiñtia Hills District, ka shnong kala ai ka jingkyrkhu kyrdoh ban pyneh bok ïa u na ka bynta ka Election MDC da kaba synñiang jingïarap haduh 2 lak tyngka.
Ka shnong haka jingïalang paidbah hapoh ka jingïalam u Assistant Waheh Shnong ma A. Sumer, Secretary Shnong u R. Lipon bad ki dkhot ka Executive Committee kila synñiang ïa kane ka pisa ba 2 lak tyngka sha u Waheh Shnong u ma Damian S War uba long ruh kum u kyrtong jong ka UDP na Mynsngat Khanduli Constituency.
La pynsngew ba kane ka jingsynñiang pisa sha u kyrtong ka long kum ka dak ban pynskhem shuh shuh ïaka jingkyrshan ba pura, khnang ba un jop don durum ha kane ka Election MDC 2025.