U Bah Lambor Malngiang Kyrtong shimet na Nongkrem konstitwensi ha ka 1 tarik Rymphang 2025 u la wan thep kyrteng ialade ban ïakhun ia ka Elekshon MDC sha KHADC.
Haba kren sha ki lad pathai khubor na ka liang u Bah Lambor Malngiang u la ong ki paidbah ki don ha syndah jong u ban shakri biang ia ki paidbah ka Nongkrem konstitwensi. Kaba ar kadei ban pynkhlain ia ka riti ka distur bad ban pynkhlain ia ka khyndew ka shyiap ,ban pynkhlain ia ki Kur hapoh ka hynniewtrep hynniewskum .
Shuh shuh u la ong ka jingialeh kan dei beit pyrshah ia u President jong ka VPP ym dei ia u Kyrtong jong ka VPP. U la ong ka jingiakhun kum u Kyrtong shimet dei ka jingmynjur bad ka jingsngewthuh jingmut lang bad ki paidbah nongkyrshan ba ki kwah ban ïakhun kum u Kyrtong shimet ha ka Shap jong u mawlynnai kumba u ïakhun ha ka Elekshon ba la dep .
Shwa ban pynkut u la ong ban kren ia ki mat treikam jong kiwei ym kwah namar u sngewtynnad ban ïeng ha ka nongrim lajong bad ym don por ban kynthoh ia kiwei namar da kynthoh ia kiwei ki jingduna ki dang bun sha lade ym kwah ban kynthoh ia kiwei bad u shu ong tang kawei lada tei ia ka ïing kaba 2 mala 3 mala u paia napoh madan ba tih un dei uba skhem ym dei u paia uba synjor lada pynieng un khyllem syndon ka ïing ,bad ngi hap kynmaw ieid ia u kpa jong ka Jaitbynriew u ba la wanrah ia ka khyrnit kaba Hynriew ia kaba ka im ka riti ka dustur ka im ka jaitbynriew ba ka don ka jingiada lyngba ka khyrnit kaba Hynriew (Sixth Schedule ).