Pynrem ka shnong Namdong ryngkat ka Raij Namdong hapoh ka Elaka Nongjngi halor ka notification ka JHADC

Ka Dorbar Shnong Namdong Ryngkat ka Raij Namdong hapoh ka Elaka Nongjngi ka la pynrem jur ia ka jinglehbor jong u ma Thombor Shiwat CEM jong ka JHADC uba la shim ia ka rai ban pynbna biang ba ka Thadmynri ka hap shapoh u pud u sam ka Elaka Nartiang lyngba ka NO.JHADC/POL/33/2014/70, DATED, JOWAI, THE 23^RD – JANUARY – 2025, khlem da bishar bniah ia ki kot ki sla kiba ka Shnong Namdong ka Raij bad ka Elaka Nongjngi ka la pyni ba kane ka Thadmynri ka dei ka jaka kaba hap pura hapoh u pud u sam ka Elaka Nongjngi katkum ki jingjia bad ki kam bkiba la leh naduh ka por ba dang don ka United Khasi Jaintia  tad haduh mynta ha ka Jaintia Hills Autonomous District Council, ba la paw shai baroh ki kam la leh bad long trai da ka Elaka Nongjngi ka Raij Namdong ryngkat bad ka jingiatreilang naduh ka shnong Namdong – A bad Thadmynri hadien ba la don ki briew ba shong shnong ha kane ka khlaw.

            Ha ka juh ka por ka Shnong Namdong ryngkat ka Raij namdong bad ka Elajka Nongjngi ngi la hap ban ujor sha ka Meghalaya HIght Court ba donburom halor ka jingpynbna kynsan na ka Executive Committee ba ka Thadmynri ka hap shapoh u pud u sam ka ELaka Nartiang khlem ka jingia pynbiet ba tikna baroh arliang kumta lyngba ka jigujor jong ngi sha ka  Meghalaya High Court ba donburom ka JHADC lyngba ka Secretary Executive Committee, ka la pynbna ha ka 15^th December 2020 ba al pyndam noh ia ka jingithuh ia ka shnong thadmynri na ka ELaka Nartiang kumba la pynbna ha ka 07^th – October 2020, halor kane ka Meghalaya HIght Court ba donburom ha ka 16^th – December 2020 ka la disposed noh Ia kane ka jingpynbna bad pyntikna ba ka Shnong Thadmynri ka hap hapoh ka Eaka Nongjgni.

            Hynrei kaba pynlyngngoh ia ngi mynta ka kynti ha shwa ka election kan poi une u CEM u la wan ban pynbna ha ka shnong Thadmynri ba u la leh biang ia kane ka kam ban pynhap ia ka shnong Thadmynri sha ka elaka Nartiang lyngba ka Notification kaba u la leh back date kumba u la kren ha ka video kaba la ioh ring da mano re mano ha kane ka dorbar ba u la pylllong ha Thadmynri ba u la pynbna biang naduh ka 23^rd – Jan – 2025.

            Halor kane na ka liang ka Shnong ka Raij hapoh ka Elaka Nongjngi ki la ong “ngim lah ban pdiang ia kane ka jingleh jong ki namar ngi na ka liang ka shnong bad ka Raij Namdong napoh ka elaka Nongjngi ngi la dep buh ruh ia ka ujor halor ka hearing kaba la pyllong hapoh conference hall jong ka JHADC ba ngim lah ban pdiang namar ngi don ki kot ki sla ba shisha da ki original ban pynshisha ba ka Thadmybnri ka hap hapoh ka Raij Nmadong Elaka Nongjgngi ym  kumba leh ka Elaka Nartiang bad ka Shnong Thadmynri tang da i Xerox paper ban pynbeij ia ka Executive Committee ban leh ia kane ka kam sang kam ma hapoh ka Raij Namdong bad Elaka Nongjngi khlem da bishar ia ka jinglong trai ba shisha katkum ki kot ki sla ba shisha halor kane ngin ia khun ia ka hok da ki bor jong ka aiñ ban pynioh ia ka hok jong ngi,” pynkut ka kyrwoh na u Secretary Shnong.