Ka Federation of Khasi Jaintia Garo People (FKJGP) West Jaintia Hills ha ka 01 tarik u Kyllalyngkot ka la pynkup burom ïa u Ex. President jong ka Jaintia Hills Zone u samla Rangbah Damian S War uba la shongthait na ka seng bad ban aireng pat ha ka Election MDC ka ban sa wan.
U samla Rangbah Damian S War udei uwei na ki Nongïalam uba la noh synniang shibun ki bynta ha ka imlang sahlang, hapoh ka jingïalam jong u, u la trei shit rhem bha na bynta ka kyntu kynrong ïa kiba bun ki imat ki jura jong ka jaitbriew.
Ïa ka jingïalang pynkup burom ha katei ka sngi la pynïaid da u samla rangbah N. Rani uba dei u General secretary ka seng.
La ïoh ïa ki jingkren bad pynkup burom da u President Rangbah ka seng u samla Rangbah Dandde Khongsit.
Ka FKJGP ka la kitbok kit rwiang ruh ïa u Samla Rangbah Damian S War ba un ïoh ïa ka jingjop kaba don burom ha kane ka election MDC.