Ha ka jingbishar ia ki kot ki sla ( Nomination Papers) jong baroh ki Nongialeh ki ban iakhun ia ka kam Nongmihkhmat sha ka ïingdorbar Thaw-Aiñ jong ka Jaintia Hills District Council (JHADC) mynta ka sngi (03/02/’25) ym don mano mano ruh ki Kyrtong kiba shah ujor (Reject) ha ka West Jaintia Hills District baroh ki Kyrtong kiba bit ba biang ban ialeh bad mynta ka shong satang ha ka jingbishar jong ki paidbah Nongjied iano kin jied bad mano ban liem bad mano ban lup.
Ha West Jaintia Hills District ki Nongiakhun ha kane ka Election MDC ka ban long ha kane ka 21 tarik mynta u bnai ki don haduh 72 ngut na ka bynta ki 19 seat khlem da khein ia ki Kyrtong kiba iakhun na ka East Jaintia Hills District. Ki 72 ngut ki Kyrtong ki kynthup ia ki 3 Constituency jong ka Amlarem Civil Sub-division.
Ha kane ka jingialeh na ki 19 tylli ki District Council Constituency kiba don ha West Jaintia Hills District, ka National People Party ( NPP) ka pynialeh 19 ngut kata ha baroh ki Constituency,ka Voice of the People Party (VPP) ka pynialeh 19 ngut kata ha baroh ki 19 Constituency, ka United Democratic Party (UDP) ka pynialeh 11 ngut na ki 19 MDC Constituency, ka Indian National Congres (INC) ka pynialeh 12 ngut na ki 19 Constituency, ka Bharatiya Janata Party (BJP) ka pynialeh 2 ngut na ki 19 MDC Constituency bad ki Kyrtong shimet (Independent Candidate) 9 ngut bad baroh ki kyrtong ki ban mih madan ki don 72 ngut ha kane ka MDC ka ban long ha kane ka 21 tarik mynta u bnai.
