Mynta ka sngi 05/02/2025 kum shi bynta ban ai mynsiem bad ban Kitbok ia u Ma Khroo Lamsalanki Pariat u Independent Candidate ban iakhun na 18-North Jowai Constituency na ka bynta ba un iaid sha khmat ha kane ka Election MDC 2025 na ka liang jong ki nongbylla sngi, ki nongshong iew bad ki longkmie ba shong shnong jong ka Ri Jaiñtia kila wan ban ai mynsiem bad Kitbok ia u ba un poi sha ka thong jingjop ha kane ka kynti.
Na ka liang jong ki, kila pynsngew ba ka la dei ka por ban jied ia ki nong mihkhmat kiba stad bad kiba shemphang kiba nang ban thaw ia ki Aiñ bad kiba leh da ka kam ym da kaba shu kren tang da ka ktien ne kumjuh ruh kito ki ba mih khmat tang ha ka por Election bad jah pat ha ki 4 snem 10 bnai, katno lei ha kane ka kynti ba ka sorkar ka la pyntam sa 1 snem ban treikam hynrei kim shym la lah ban trei ne thaw tang kawei ruh ka Aiñ.
Ki la ban jur ruh ka la dei ka por ban ioh ia u MDC u ban peit ym tang ia ka Constituency ba u mihkhmat hynrei ia ka Ri Jaiñtia hi baroh kawei, ki la ban jur ruh ia ka jinghiar ka iew ka hat, ka khaïi ka pateng na ka jingwan ki bar jylla ban kamai spah ha kane ka thaiñ jong ngi, khamtam ha ki ïew ki hat.
Kumta ka la dei ka por ba ki nongshong shnong khamtam ki ba shong ha ka 18-North Jowai Constituency ban pyrkhat bha bad ban jied sani ia u MDC u ban trei bad pyni da ki kam.
