Ka jingleit jngoh ia ki jaka bapher jong ka ri India ia kaba la tip kum ka Science Exposure Trip 2025 ba la pynlong da ka State Council of Science, Technology & Environment (SCSTE) Meghalaya, lah ban pynkut ha ryngkat ka jingseisoh, ha kaba saw tylli ki kynhun ki samla pule bad ki nonghikai ki la wan phai sha la iing hadien ka jingleit wat jingtip ha ka nongbah Kolkata, Chennai, bad Bengaluru.
Kane ka jingleit jngoh kala ai ka jingshemphang ia ki khnynnah skul bad nonghikai shaphang ka jingpylla jong ka Scince bad Technology da ka iohlad ban poi sha kitei ki jaka.
Kitei ki kynhun kila ioh ban leit jngoh ia ki jaka kiba don ha nongbah Kolkata ba kynthup ia ka Science City, Victoria Memorial, Rail Museum, Botonical Garden bad ka Indian Museum.
Ha nongbah Chennai kila ioh ban leit jngoh ia ka IIT Madras, Periyar Science Centre, Anna Library, Arun Ice Cream Manufacturing Industry, ICAR, Marine Life Research kaba don ha Marina Beach.
Ha nongbah Bengaluru kila ioh ban leit jngoh ia ka Centre for Brain Research (IISc), KSCST Centre for Sustainable Technologies (IISc), HAL Heritage Centre and Aefospace Meseum, Visvesvaraya Industrial and Technological Museum bad ka jingbatai ba la ai da ki riew watbniah jong ka IISc.
