U kyrtong ka Khun Hynniewtrep National Awakening Movement (KHNAM) na Laban-Mawprem konstitwensi u Bah Shemstar Rynjah ha ka 14 Rymphang 2025 u la wan pyntip paidbah ha shillong Press Club ba u la rai ban ym pynlong jingialap ilekshon ha Konstitwensi namar ka jingdon eksamin final ki khynnah class X bad Class 12.
Haba kren bad ki nongthoh khubor ha ka 14 tarik u Rymphang 2025 u Bah Shemphang u la ong ka jongshim ia ka rai ba nym pynlong ia ka jingialap ilekshon ka dei halor ka jingdon eksam ki samla kiba ïakhun ha ka examin bapher bapher bad ka jingpyndonkam iaki tynghung kan ktah iaki samla kiba dang pynkhreh iaki eksamin.
Shuh shuh u la ong ka jingshim ia kane ka rai ka dei hadien ka jingiasyllok bad ki nongkyrshan kiba sngewiahap namar ki ruh ki don ka jingkitkhlieh iaka lawei ki samla pule kiba don hapdeng ki eksamin bapher bapher.
Haba kren iaki mat iakhun ilekshon MDC, u Bah Shemstar u la ong lada u ioh ka jingjop, un wad ki lad ban iarap iaki nongbylla sngi, ki nongniah kali kamai kum ki Taxi bad ki Bos Saw, ban iarap ia ki nongdie madan, ban wad ki lad jingiarap iaki naka bynta ki nongrep lyngba ki skhim bapher bapher bad ban bud dien iaka jingpynbeit ia u pud u sam hapdeng ka Meghalaya bad Assam.
U la ong ruh ba un sa thoh sha ka Sorkar India ban ai noh ia ki jaka shipai ban tei iaki jingdonkam na ka bynta ka jingmyntoi ki paidbah ka Laban-Mawprem constituency bad ban buddien iaka ILP.