Ka sorkar jylla lyngba ka shithi No. DCA.4/2025/6, Dt. 31.01.2025, ba la pynmih da ka District Council Affairs Department ka la bthah ba na ka bynta ban lait na ki jinglehthok ha ka sngithep vote bad ban pynsuk ha ka por thep vote, ka ophis jong u District Election Officer, East Jaintia Hills District ka shim ia kane ka lad ban pynbna paitbah sha baroh ki Nongthep vote shaphang katto katne ki jingpyntip ba donkam ha kaba iadei bad ka sngi thep vote ha ka 21.02.2025.
La pyntip ba ka ophis kan nym ai Voter Slip shuh sha ki Booth Level Officer/Nongthep Vote. Hynrei ki Nongthep Vote ki lah ban pynithuh ialade da kaba rah da kawei na kine ki kot ba donkam kum ka Epic, Passport, Driving Licence, Income Tax Identity (PAN) Cards, Passbook issued by Public Sector Banks/ Post office bad ka Kisan Passbooks ka ba don bad ki dur, ka SC/ST/OBC Certificate, ka kot Pension na ka bynta ki briew kiba la shongthait na ka kam lane ka Pension Book/ PPO/ Ex-Servicemen’s Widow/ Dependent Certificates, Old Age Pension Order, Widow Pension Order kaba don bad ki dur, ka Arms License, Certificate of Physical Handicap, Job Cards ba ioh na ka MNREGA, Health Insurance Scheme Smart Cards, ka School Certificates ba don lang bad ka dur, Permanent Resident Certificate ba ioh na ka District Administration, ka Electricity Bills, ka Aadhaar Card, ka Service Identity Cards ba ioh na ki jaka trei.
La pynshlur bad la kyntu ia baroh ki nongthep vote ban iamih lut baroh ha ka ban ia leit shim bynta ha ka jingiathep vote ha ka 21 tarik Rymphang 2025 kum ka dak ban pyndep ia la ka jong ka hok bad ka kamram kum ki nongshong shnong ba pura ka ri India.