Halor ka jingdon jong ka lekshon sha ka JHADC 2025 bad na ka bynta ban pynïaid beit pynïaid ryntih ïa ka jingïaid jong ki kali ha ka 24 tarik mynta u bnai kaba dei ka sngi ñiew vote, na ka liang jong u Superintendent of Police ka West Jaiñtia Hills ula pyntip ba la pynbeit ïa jingïaid ryntih jong ki kali naduh ka por 6:00 baje mynstep shaneng.
Ha kaba ïadei bad kane la buh No Entry (khang ïaid kali) na Lad Thomas Jones shaduh D.C Office. La khang na Tpep-Pale sha lawmusiang. La khang na Mission Compound sha Iawmusiang / D.C. Office, la khang na Lai Lad H.K. Singh shaduh D.C. Office bad la khang ruh na Stand Dawki sha D.C. Office.
Na ka bynta baroh ki kali kiba wan na ka liang Dulong bad Tpep-Pale kin hap ban phai lyngba ka Tpep-Pale Pass sha Thomas Jones College Road. Ki kali kiba wan na ki thaiñ Riatsasim ki dei ban phai sha Mynthong (Library Road). Ki kali kiba wan na ki thaiñ Khimusniang/Jrisalein ki dei ban phai sha ka surok Chutwakhu, katba ki kali kiba wan na ki thaiñ New Hill bad Shillong road ki dei ban phai sha Kynruh Saphlang bad sha Thomas Jones College.
Ha ka 24/02/2025 baroh 4 (Saw) tylli ki Parking Lot kiba don ha Iawmusiang ki dei ban weng lut ïa baroh ki kali naduh ka por 6:00 baje mynstep shaneng.