U Pabitra Margherita Myntri ka sorkar pdeng ba bat ia ka tnad korbari ri bad ia ka tnad textiles hapoh ki Jylla ha ka 22 tarik Rymphang 2025 u la ong ka jingthmu ban pynlong ia ka Meghalaya ka pynskhem biang ha ka mang tyngka ia ka jingangnud jong ka sorkar pdeng ia ka roi ka par ia ka thain shatei lammihngi jong ka Ri India.
Haba kren bad ki lad pathai ha ka 22 tarik Rymphang 22025 na ka liang u Myntri Sorkar pdeng ba peit ia ki Jylla u la kren halor ki mat ba kongsan jong ka mang tyngka jong ka sorkar pdeng 2025-26 kaba la pynbna dang shen, u la ong ba ka grant sha ka jylla Meghalaya ka la nang kiew hapoh ka sorkar NDA.
Shuh shuh u la pynpaw ba ka jylla Meghalaya ruh ka roi, ka sorkar NDA ka la ai shibun ki skhim la ka long hapoh ka DoNER, NEC, ne ki projek surok, ki projek shna ïing, ki jaka jngohkai kiba dang pyntreikam ha Meghalaya. U la ong ruh Ka Skhim MSME kan ai jingmyntoi shibun ha ka mang tyngka.
U Pabitra Margherita u la pynpaw ba ha ka mang tyngka ka la buh ruh ia ki kyndon na ka bynta ban kyntiew ia ki nongtrei ha kaba ki briew kiba duk kin ioh jingmyntoi.
Katba ia ka Nari Shakti, u la ong ba ki kynthei ki dei ki pdeng jong ka jingjop jong ka Ri India.
