Ka seng Jaiñtia Student Union (JSU) Central Body ka kren shai sha ka Sorkar pdeng bad ka Northeast Frontier Railway (NFR) ba kim dei ban wan rah lynti rel, ha poh rilum Jaiñtia katba kim pat lah ban wan rah ia ki aiñ ki ba khlaiñ ban iada ia ka jingwan rung kyrthep ki briew kiba na bar jong ka jylla.
Kane ka jingpyrshah ka seng ka la wan hadien ka jingmih khubor ba ka NFR ka thmu ban sorjamin ia ka lynti rel na Bhoksong, Rajagoan, Baithalangso, Jengkha, kherani bad Umrangso ka ban pyniasoh shaduh Jowai.
Na ka liang ka seng ka la kyntu ruh ia ka JHADC ba kam dei satia ban ai No Objection Certificate (NOC) sha ka NFR na ka bynta ka lynti rel katba ka Sorkar kam pat lah ban pyntrei kam ia ka Inner Line Permit (ILP)
Ka Jaiñtia Student Union ka la ai jingmut sha ka Sorkar ha ka jaka ka lynti rel ai noh da ki medical college, Engineering college bad kiwei kiwei ki jingdonkam hapoh ka District bad ka Jylla hi kumjuh.