Ka Voice of the People Party (VPP) ka la ioh ban jop haduh 17 ngut ki MDC hadien ba ki paidbah ki la pynkhamti ia kane ka Seng Saiñ Pyrthei kaba thymmai ban ioh haduh 17 ngut ki MDC sha KHADC.
Ha ka jingialang kaba la long mynta ha ka ophis treikam jong ka Party, ka la jied ia ki dkhot jong ka Executive Committee ha KHADC kiba kynthup ia u Bah Strong Pilliar Kharjana MDC jong ka Mawkhar Pynthorumkhrah konstitwensi un shimti ia ka shuki Chairman, u Bah Kynjohlang Rangtong MDC ka Mawhati konstitwensi un shimti kum u Deputy Chairman bad u Bah Shemborlang Rynjah MDC ka langkyrdem Laitkroh konstitwensi un shimti kum u CEM ka KHADC.
Ki Executive Members kin kynthup ia u Bah Powell Sohklet, Kong Aibandaplin Lyngdoh Nonglait, Seiborlang Warbah, Isynei Hinge, Pynkhrawboklin Kharjahrin, Deity Majaw bad u Bah Winston Tony Lyngdoh.
Lashai ka sngi ka 27 tarik Rymphang 2025 yn pynbam smai ia ki MDC ba thymmai jong ka Khasi Hills Autonomous District Council.