Ka Deputy Commissioner (Supply), East Khasi Hills District kong R.M. Kurbah, IAS, kala pyntip paidbah ba ka Ministry of Consumer Affairs, Food and Public Distribution, Department of Food and Public Distribution, Government of India, kala pyntip ba ka long kaba donkam ban pyniasoh ia u Aadhaar bad ki Ration Card (PHH bad AAY) jong ki nongbah rashon.
Ha kaba iadei bad kane na ka liang ka DC kala pyntip ban lait na kano kano ka jingduh jingmyntoi ha kaba iadei bad u khaw rashon. La kyntu ia ki nongbam rashon ba kin pyndep khlem pep ia ka e-KYC lyngba ka e-POS machine kaba don ha ki dukan die rashon ha ka District hapoh ka 25 tarik u Lber 2025.