Ka MDC jong ka seng VPP kaba dang shu jop ia ka election ha kane ka election kaba lah dep ka kong Deivipaya Tongper na ka Narpuh Constituency, ha ka 28 tarik u bnai Rymphang 2025 ka la pynher pat da ka shithi sha u MP ka Lok Sabha u Dr. Ricky AJ Syngkon ha ka jingiadei bad ka jingeh jong ki nongshong shnong ha ki bynta khappud bad ka ri Bangladesh.
Ha kane ka shithi la kdew shai ba ki paidbah kiba sah ha khappud Indo- Bangladesh border khamtam eh ha Umkiang, Dona bad Lum soskie ki briew na Bangladesh da ki spah ngut kila wan rung be aiñ shapoh ka shnong bad kane ka jia ha ka 22 tarik u bnai Rymphang 2025 ha ka por kumba 2 baje mynstep ha kaba kumba 50-60 ngut ki wan rung shapoh ka shnong Umkiang.
Ha kane ka jingjia ka la don ruh ka jingshah byrngem ia ki nong shong shnong ka shnong Umkiang ha ka 27 tarik u bnai Rymphang 2024 ha ka por 7 baje mynmiet.
Ha kane ka shithi la kdew shai ruh ba ki BSF kim patiaw ia ka kam kaba la bynshet ha ki bad kane ka lah ban wanrah ia ka jing shong syier haba ka shnong ka thaw baroh kawei.
Kumta ka kong Tongper kala dawa jur na u tei u MP ba un ïasait na ka bynta ka jingshongsuk shongshngaiñ jong ki nongshong shnong ka thaiñ.