Ka kynhun ki nonghikai SSA ba kynthup ia ka Meghalaya SSA School Association, All Meghalaya SSA School Teacher Association bad ka 4th Teacher Association ki la wan iakynduh ia u Commisioner & Secretary ka tnad Pule Puthi U Vijay Mantri haba iadei bad ka jingdawa ki nonghikai SSA ban kyntiew noh ia ka tulop jong ki.
Haba kren sha ki lad pathai khubor hadien ka jingiakynduh bad u Commissioner ka tnad pule puthi u Vijay Mantri, ha ka jingdon ryngkat lang u Director ka School Education u Swapnil Tembe, na ka liang u Bah Aristole Rymbai u la ong ka Sorkar ka don ka thong ban pyniasoh lang ia skul SSA Bad ki skul Sorkar ban don tang kawei ym dei ban don shuh ar tylli kata SSA bad ka Sorkar. U la ong ruh ba lshai ka sngi kan sa don ka jingialang bad ki SDO jong baroh ki District bad ka tnad Pule Puthi kan btah ban lum jingtip ia baroh ki skul SSA haba iadei bad ki kot ki sla jong ki skul SSA bad kin hap ban pyndep ia kine baroh bad kin hap phah sha ka tnad Pule Puthi hapoh ka 15 tarik April 2025.
Shuh shuh u la ong, ka tnad Pule Puthi ka la dep pynkhreh ruh ia ka jingpynbna haba iadei bad ka jingpule DelEd Course kaba 18 bnai ban Pyniaid da ka NIOS, u la bynrap ha ki snem ba ladep katkum ka ain ba pynmih ha supreme court, ka Dl.Ed Course kaba 18 bnai kim long ban apply kam ha ki kam sorkar, bad ha u December 2024 ka la mih ka aiñ na Supreme court ba ka De- El Ed Course ki la lah ban apply ha ki kam sorkar ne ha ki skul sorkar.
U la bynrap ka tnad Pule Puthi jong ka sorkar ka la pan por haduh 15 tarik April 2025 haba iadei bad ka tulop jong ki nonghikai SSA, haba iadei bad ka jingpynkiew ia ka tulop jong ki nonghikai SSA ki nonghikai SSA ki phai khmat beit da ka Pay Scale ym da ka adhoc Enhancement.