Ka Rotary Club Shillong Heritage ha ka 6 tarik Lber 2025 ka la pynkup burom ia ki longkmie longkpa, ki khynnah ialehkai bad ki riewshimet kiba la noh synniang ia ka Jylla ha ki rukom bapher bapher.
Ka Rotary Club Shillong Haritage hynne ka janmiet ka la pynkup burom ia ka Kong Phikaralin Wanshnong (Food Entrepreneur), u Sunil Bajoria Trustee-in-charge of Kamakhyalal Bajoria Charitable Trust, U Redeem Tlang (Indian Professional Footballer), Dr Chayanika Sarma (MBBS,MD), ka Bharat Sevashram Sangha Shillong (Organisation), ka Airikmenlang Shabong (Indian Army Wrestler) bad u Ajay Agarwala (Social Welfare).
Ha kane ka sngi la wan ban iadon bynta da u Principal Secretary jong ka Sorkar jylla u Sampath Kumar, IAS, haba kren ha kane ka janmiet na ka liang u Sampath Kumar u la pynpaw ia ka jingsngewkmen ban iohi ba ka Rotary Club Shillong Haritage ka mih sha khmat ban ai jingithuh ia kiba trei na ka bynta ka bha ka miat jong ka imlang sahlang hapoh ka jylla.
U la bynrap da kaba ong ba ka jingiatreilang ka wan rah ia u soh ka jingjop, kum ki nongtrei mon sngewbha kan bha shibun ba kin trei shitom bad wanrah ia ka jingkylla da kaba ithuh kyrpang ia kito kiba trei na ka bynta ka imlang sahlang.
