Ka Seng Hynniewtrep Youth Development Council (HYDC ) ha ka 10 tarik Lber 2025 ka la wan pyntip paidbah ha kaba iadei bad ka jingthmu jong ka sorkar ban rah ia ka nongbah Tlang Winter Capital Sha Tura.
Haba kren sha ki lad pathai khubor na ka liang u General Secretary ka Seng Hynniewtrep Youth Development Council u Bah Shaniah Suchiang u la ong ka Seng ka pyrshah jur ban rah ia ka Nongbah Tlang sha Tura. Kumba long mynta naduh ka pule puthi, ki jaka ai jingsumar ia ki paidbah kim biang. U la ong lada ka sorkar ka rah ia ka nongbah Tlang sha Tura ka jinglut jingsep da ki phew hajar klur, nalor ka jylla barit, mynta sa ka ram 22 hajar klur, kan ap ka jingma ia ki nongshong shnong ka Ri Khasi Jaintia. U la bynrap lada kane ka jingthmu jong ka sorkar ka urlong, ki paidbah ki hap siew 10 hajar man u bnai ia ka ram.
Shuh shuh u la ong na ka liang ka Seng ka dap ia ka jingsngewsih kaba khraw namar ki MLA Khasi kim pyrshah ia ka jingthmu jong ka sorkar ban rah ia ka nongbah Tlang sha Garo.
Ha kine ki kyndiat snem ba la dep ka Tura ka la dep ban shna ia ka Mini Secretariat bad ruh ia ka ïingsah jong u Governor bad kane ka dei ka plan jong ki nongmihkhmat jong ki MLA na Garo bad kumjuh ki Sengbhalang na Garo bad ban rah ia ka nongbah sha Tura.
Kumta u kyntu ia kiwei ki Seng bhalang kiba don ha ri khasi Jaintia ban ym ai lad ban rah ia kane ka nongbah Tlang na Shillong sha Tura.