Uwei u samla uba la tip kyrteng kum u Lamshwa Papeng na ka shnong Mynthlu, East Jaiñtia Hills u la jah ryngkat bad ka kali Pickup ba u ñiah.
Kat kum ka khubor ba la iohlum la iathuh ba kane ka jingjia ka la jia ha kane ka 9 tarik mynta u bnai. La iathuh ba u Lamshwa hadien ba u la wan ban pynhap tiar na kawei ka karkhana kaba don ha Lumshnong da ka kali jong u ka Mahindra Pickup (Double Cabin) rong lieh, ka ba dang thymmai bad ka bym pat don ia u Numer plate. Ha dien kane u la mih ban leit phai noh sha la shnong jong sha Mynthlu. Hynrei naduh kata hi ka por u la shu jah noh khlem poi ïing shuh haduh ba la phah thoh ia kane ka khubor.
Kumta na ka liang kiba ha ïing ha sem jong u Lamshwa Papeng kila buh ka jingkyrpad bad ka jingkyntu ia ki paidbah ba la don kino kino ki ba iohi ne don jingtip shaphang jong u, kin sngewbha ban ban phone ha kine Number: 8837327068 / 7085258749.