Kawei ka jingjia shah kyndang ïing kala jia ha kawei ka ïing kaba don ha Khliehrymphum, Mookyrdup, Jowai ha kane ka 9 tarik Lber 2025 ha ka por kumba 9:50 haduh 1:30 ei ei da ki briew bym lah ban ithuh.
Kane ka ïing kaba la shah kyndang ka dei ka ïing jong u ma W. Sumer. Ha kane ka jingshah kyndang kitei ki nongtuh kila ioh ban rong ia kawei ka Laptop kaba don ia ki file kiba donkam bad kongsan kiba iadei bad ki kam ophis, la ong u ma Sumer. Nalor kata ki la kyndang ruh ia ka almari bad kila rong tuh ia ka pisa kaba T.3000/- (Lai Hajar) tyngka.
Na ka liang jong u Trai ïing ula iathuh ba ha katei ka por um don ha ïing namar ba u dang leit jingiaseng. Dei haba ula poi ïing ha ka por 1:30 PM ula lap ba ki nongtuh kila dep ban pynpait ia u Tala jong ka jingkhang bah bad kila rung shapoh.
Ha kaba iadei bad kane ka jingjia na ka liang u ma Sumer ula leit buh da ka FIR ha katei hi ka sngi ha Jowai Police Station. Na ka liang ki Pulit kila shimti ia kane ka jingjia bad ki dang pynlong ia ka jingtohkit ban lap ia kiba donkti.
Na ka liang u ma Sumer u buh ka jingkyrpad ia kino kino ki briew kiba lap ba don ba wan tyrwa die ia katei ka Laptop (HP) ba kin sngewbha ban bat ia ka bad ai jingtip mar mar sha u da kaba phone ha une u Number 8575791082. Yn ai buskit ia kiba pynphai.