Jowai: Ka jingleh Niam Behdeinkhlam jong ka Seiñ Raij Mukhla ka la poi mynta sha ka sngi ka ba ar bad ha kane ka sngi ki khun samla ka Seiñ Raij Mukhla ki ia mih dang step na ïing ban leit pom ia ki artylli ki Dienkhlam na khlaw ban wan rah ia ki sha ka madan ryngkaw ban pynieng ia ki, te ha ka por 12:00 pm hadien ba kila wan pom ia kine ki dienkhlam na khlaw kia la pyntip sha ki khun ka Seiñ Raij ba kin ioh ban leit rah ia ki kumta ha ka por 1:00 pm ki khun Samla ka Seiñ Raij Mukhla ha ryngkat ka jingialm jong u Pa Langdoh bad ki Waheh Sankur ki leit ban wan rah ia kine ki Deiñkhlam na khlaw, ia uwei u dienkhlam u ba rit tam la rah ia u na khlaw bad la buh ia u ha madam tih kyndaw ha Wahshnong u ba long ruh u Khnong Blai , hynrei ia u ba kham heh pat la rah ia u bad la buh ia u ha Madam Ryngkaw ha slot Masi bad lashai yn wan rah sa u wei pat u Deiñkhlam na shnong Umlangshor ka ba long ki shong bri bad ia kine ki lai tylli ki Deiñkhlam yn pynieing ia ki lashai ka sngi Musiang ka ba long ka sngi kaba lai jong ka jingle Niam ia ka Behdeiñkhlam.
Kumta hadien ba la dep ban wan rah ia kine ki ar tylli ki Deiñkhlam mynta na khlaw ha ka por 03:00 pm la don ka Dorbar Niam ka ba lapyniaid da u Pa Langdoh bad ryngkat ki waheh Sankur ha ryngkat bad ki khun samla bad rangbah ka Seiñ Raij Mukhla ban ia kren ia pynbeit ia ki kam na ka bynta ka sngi Musiang kiba khun ka Seiñ Raij Mukhla ki hap ban pyndep.
Kane ka long katkum ka jingpyllait khubor u Rgh, Standbyme Sari uba long uwei na ki
Waheh Sankur na ka kur Sari.
