Kum shi bynta na ka jingrakhe ia ka World Tuberculosis (TB) day, ka Urban PHC Loomkyrwiang (HWC) Jowai kala pynlong ia ka jingialehkai surok (Street play) ha Iawshyiap, kaba don hajan ka skul H.K. Sing Memorial School, Jowai mynta ka sngi.
Ka jingthmu jong kane ka jingialehkai (Skit) ka long ban pynsngewthuh ia ki riew paidbah halor ki lad ban iada na ka jingpang TB, ka jinglap kloi ia kane ka jingpang bad ka jingpynkoit ia ka. Kane ka prokram ka long ruh shi bynta ban iasnohkti lang ba ka pyrthei shityllup halor ka phang ,“Yes!We can End TB” ka jingpynkut noh ia ka jingpang TB da ka jingiatreilang.
Ia kane ka jingialehkai drama la ialam da ki nongtrei ASHA (Accredited Social Health Activist). Ka jingialehkai kala batai ruh shaphang k jingdonkam ban long kiba lehkhuid, ban bam ki jingbam teimet bad ban dih ia ki dawai ha ka por kaba biang khnang ba yn lah ban pynduh pyndam ia ka jingpang TB.
Na ka liang jong ki nongtrei ka koit ka khiah ki pynkynmaw ba ka jingpang TB ka long kaba lah ban pynkoit lada dih dawai tista ha ki jaka sumar sorkar bad khlem kano kano ka jingsiew.
Kumta ki kyntu ia ki riew paidbah ban wad ki lad jingiarap na ki jaka sumar khlem da pynslem.
