Ki khubor sorkar ba la phah la iathuh ba lashai ka sngi (27.03.2025) yn pynkut ia ka prokram jong ka Regional Conclave on Food Safety ha Marriott, Shillong ha ka por 12:00 shiteng sngi. Ha kane ka prokram la khmih lynti ba ka Minister jong ka Health & Family Welfare ka Dr. M. Ampareen Lyngdon kan long ka Kongsan.
Ha kawei pat ka khubor la iathuh ba ia ka prokram ba ar sngi jong ka Youth Parliament kaba la pynlong ha Lariti International Centre for Performing Arts and Culture, Mawdiangdiang kaba la pdiang ban pynlong da ka Meghalaya Legislative Assembly yn pynkut noh lashai (27.03.2025) naduh ka por 10:00 baje mynstep shaneng.