Ki Samla pule jong ka Skul bah North Eastern Hills University (NEHU) ba kynthup ia ka KSU NEHU Unit bad ka NEHU Students Union ha ka 1 tarik Ïaiong ki la wan kynduh ia ka Dr. Mazel Ampareen lyngdoh Myntri ka Sorkar Jylla ban iakren halor ka kynrum kynram ha NEHU.
Haba kren sha ki lad pathai khubor, Na ka liang u Samla Sandy Sohtun, President ka NEHUSU, u la ong na ka liang ki Samla pule ka NEHU kim don jingpyrshah halor ka jinglong Pro VC ha NEHU bad kumjuh ha Tura hynrei ka rukom thung ka long ba khlem ïaid lyngba ka Executive Committee ka NEHU.
Shuh shuh u Sandy Sohtun u la ong ba na ka liang ki Samla Pule kin pyrshang ban kynduh ia baroh ki Myntri jong ka Sorkar Jylla ban pynsngew halor ka kynrum kynram ha NEHU. U la ong ruh ka Skul bah NEHU ka la nang troin nang troin khlem u ne ka VC hynrei ka jingdon u VC Incharge ka iaid beit iaid ryntih.
U la bynrap ka jingthung jong u Prof Shukla ban buh ia ki Pro VC lehse u shu pyniaid ma u na nongbah Delhi, hynrei na ka liang ki Samla pule NEHU ki pyrshah beit lada ym iaid katkum ka Procedure jong ka NEHU.
Na ka liang Ki Samla pule ki la ong ba kin thoh da ka shithi sha ka Ministry ban pan jingshai kumjuh ban phah da ka jingthoh sha u Lat bad kumjuh sha u Chief Minister halor ka kynrum kynram ha NEHU.