Ka khubor Pulit kaba la iohlum mynta ka sngi la ïathuh ba hadien ka jingkynrei palat ki nongtuh bike ne ki kali ar shaka ha nongbah Jowai bad sha kiwei de ki shnong ba marjan, kumta ki pulit ka West Jaiñtia Hills District kila pynlong ïa ka jingïaibud dien ban lap ïa kiba donkti ha kane ka kam.
Ha kane ka 29 tarik u Lber, 2025 ki Pulit ka WJHD kila ïoh kem ïa uwei u briew bala tip kyrteng u Nisanki Lamare uba 19 snem ka rta na ka shnong Saphai Dong C, West Jaiñtia Hills ïa uba la suba donkti ha kane ka kam tuh ar shaka.
Ki Pulit ha ka jingtohkit bniah ïa u tei u Nisanki Lamare, ula phla ba u Mechanki Langstang uba ju khot u Ki Langstang 23 snem ka rta na ka shnong Thangraiñ ruh ula don kti lang ha kane ka kam tuh bike.
Kumta ki Pulit jong ka WJHD kila thwet jur ïa utei u Mechanki bad mynt ka sngi ki la ïoh ban kem ïa u na shnong Mairang. Hadien ka jingtohkit ki Pulit ula phla ba u donkti ha kane ka kam, hadien bala kem ïa u, ki Pulit ki la phah sha ïing bishar (Jowai Court) katkum ka Jowai PS case No. 36(03)2025 u/s 303(2) BNS.