Ka KSU mynta ka sngi ka 4 tarik u bnai ïaiong 2025 ka la pynlong ia ka sngi kyrsiew ri lane ka Khasi National Wakening Day ha ka shnong Khliehriat kaba dei ruh ka headquarter jong ka East Jaiñtia Hills District.
Ha kane ka sngi la ia don bynta ruh na ki seng bapher bapher kiba kynthup ia ka Seng HNYF, JSU, MPUF, FKJGP bad kiwei de ki sengbhalang.
Ïa kane ka jingialang la pynlong ha khmat mot u Kiang Nongbah ia kaba la sdang da ka rally naduh ka madan football Dkhiah West bad pynkut haduh ha khmat office u DC ka EJHD.
Ha kane ka sngi la iashim bynta da u President rangbah ka seng KSU u bah Lambokstar Marngar ki Nongïalam ba hakhmat ka seng KSU kiba kynthup naduh u bah Donald Thabah, u Bah Streamly Suchen bad kiwei kiwei de ki dkhot bad ki nongïalam jong ka seng.