Ka Prof Sherwin M. Sungoh kala iehnoh kam kum ka Pro Vice Chancellor hynrei mynta kan sa shimti noh ia ka kam kum ka Acting Vice Chancellor jong ka skul bah NEHU, namar ka dei ka Nonghikai kaba la Rangbah tam na baroh ki para nonghikai hapoh kane ka skul bah.
Na la liang ka kynhun jong ki seng kiba don hapoh ka NEHU ki pynpaw ia ka jingsngew kmen ia kane ka sien jam ba ka shim bad ong ruh ban long tang kum ka Pro VC kan hap ban trei hapoh ka jingpeit bad jingbtah jong u VC bad kam lah ruh ban trei ia ki kam laitluid ki hap ban sngap ia ka jingbthah jong u VC, hynrei kum ka Acting VC ka don ka bor kaba pura.
U Prof Kma u la ong ba ki sngew kmen eh ba i la shong ha ka shuki kum ka Acting VC bad ka la sdang trei kam kum ka VC ba pura bad ka ioh lut ia ka bor. Na ka liang ka NEHUTA bad NEHUNSA kin ai ka kti ka mon ka kti ka diang ba in lah ban pyndep ia ki kam ram kiba bun, wat la shen in sa shongthait noh na ka kam kum ka Nonghikai.
Shuh shuh u la ong ba kin ai ka jingkyrshan ba pura ba in lah ban pyndep ia ki kam kat kum ka jingleh jong u Vice Chancellor.