Ka Sengkhihlang kumba ju long manla u snem kan pynlong ïa ka Lympung ba 35 ha ka Seng Khasi Laitryngew kaba hap hapoh ka Seng Khasi Sohra Circle.
Ïakane ka Lympung yn sdang naduh ka 18/04/2025 bad pynkut haka 20/04/2025 ha Laitryngew. Ïa u Mawbynna Sahnam jong ka Lympung yn leit rah na Seiñ Raij Umladkhur, War Jaiñtia ha ka 18/04/2025, ka lynti ban ïaid u Mawbynna ka long na shnong Umladkhur, Demthring, Sohmynting, Moodymmai haduh ban da poi Laitryngew. Ka por leit rah ïa u Mawbynna naduh ka por 7 baje mynstep.
Kumtaka Sengkhihlang ka khot sngewbha ïa baroh ki khun ka bri u Hynñiew Trep hynñiew Skum na ki tnad Seng Khasi bad Seiñ Raij bapher bapher ba kin wan sha katei ka Lympung jong ka Sengkhihlang. Lapyntip ha kane ka Lympung yn ïoh shibun ki kyntien sneng na ki Waheh wasian, ki nongïalam jong ki Tnad Sengkhasi bad Seiñ Raij.
Ha ka juh ka por ka Sengkhihlang kala khot sngewbha ïa ki Dalloi, ki Syiem bad ki President/ Secretary jong ki Tnad Sengkhasi bad Seiñ Raij ban wan sha kane ka lympung.
Kane ka long katkum ka jingpyllait khubor na u Wh. S. Sari, Publicity Secretary ka Sengkhihlang.