Halor ka jingbym shah iaid Procession ka sorkar BJP Delhi ha ka sngi u Trai, kyntait u nongialam BJP na Meghalaya ban kren ei ei

U State General Secretary ka BJP Meghalaya u Bah Wankitbok Pohshna hynne ka sngi ka 16 tarik ïaiong haba kren sha ki lad pathai khubor ha Ophis treikam halor ka jingbym shah iaid procession ka Sorkar BJP ha Delhi ha ka sngi u Trai u la kyntait bad ong ba um lah ban ong eiei halor kane.
Shuh shuh u bah Pohshna u la bynrap ba ha 12 tarik ka procession jong ka wei ka niam kim shym la shah ban iaid, da kaba ong ba um tharai ba kane ka dei ka mat kaba khia.
U la ong ba ka jingbym ai jingbit ka lah ban long ba ki bor ba dei peit ki la pynpaw ia ka daw jong ka jing bym shah.
U la kam ruh ba ki paidbah ki leit sha ïing mane ha ka sngi u Trai Slatlai.
Ka jingbym shah ka dei tang ka jingiaid procession na ka wei ka ïing mane sha ka wei hynrei kim shym la khang ia ka jingmane Blei hapoh kane ka jaka ba don ka ïingmane.