[Photo credit : MLA Channel]
Ka jingwan iuh kjah jong u Sachin Tendulkar u khlur ialehkai Cricket ba paw ka India uba la shongthait na kane ka kam ryngkat ka kynhun jong u shapoh ka Jylla Meghalaya, kan wanrah ka jingmyntoi kaba khraw ia ki nongshong shnong jong ka jylla khamtam ia ki khynnah rit.
Lyngba kane ka jingwan katei ka kynhun kala don ka jingthmu ba ka Sachin Tendulkar Foundation (STF), ryngkat ka jingiatreilang bad ka Bill & Melinda Gates Foundation bad ka sorkar Meghalaya, ka la sdang ia ka jingthmu pynkylla dur ban kyntiew ia ka koit ka khiah jong ki khynnah ha baroh kawei ka jylla.
Kane ka jingiatreilang kan pynleit jingmut ban pynkhlain ia ki rukom sumar ha ka imlang ka sahlang kaba neh slem. Ha ka jingwan jngoh jong katei ka kynhun jong ki sha Meghalaya, kila ioh ban ia kynduh ia ki nongshong shnong kiba sha kyndong, ha kaba kila iohi ia ka rukom long rukom man jong ki longïing longsem bad ia ka jingai jingshakri jong ki nongtrei ba hakmat jong ka koit ka khiah.
“Kane ka jingïatreilang kan long hapdeng ka jinglongkylluid mynsiem ha ka kam ban ïasam lang na ka bynta ka lawei kaba koit ba khiah,” la pynpaw u Sachin Tendulkar ha ka social media jong u, da kaba pynpaw halor ka jinglah jong kane ka jingthmu ban wanrah ïa ka jingkylla kaba neh.