U M.L.A ka 1-Nartiang Constituency, u bah Snaiawbhalang Dhar kum shibynta ban ai jingkyrshan ia ki longïing baduk bakyrduh hapoh ka constituency, u la ai jingiarap da ki tin sop ïing sha ki 5000 tylli ki long ïing ki ba hap hapoh ka 1- Nartiang constituency. Ia ka jingsam iakine ki tin sop 0239ing la sdang ha ka 19-04-2025 ha Wahiajer, West Jaintia Hills.
Ha ba ai jingkren, sha ki nongiohbynta, ha shwa ban sam ia kine ki tin sop 0239ing, u ma Sniawbhalang Dhar u la ong ba ka jingsam ia kine ki tin kan long sha baroh ki shnong jong ka constituency bad mynta ka sngi ka dei tang ka jingsdang na ka shnong Wahiajer.
“Kum u MLA nga lah dep sam tin lah bunsien hapoh ka constituency bad bun ki long ïing ki ba la ioh bynta, hynrei ia kine ki tin mynta nga la pynkhreh na ka bynta kito ki long ïing ki ba dang mih thymmai, kumjuh ruh ia kito ki ba la donkam ban bujli (repair) ia ki tin barim”.
U la ong ruh ba u don ka jingkyrmen ba, baroh ki long ïing baduk ki ba don hapoh ka constituency kin ioh bynta lut hapoh kane ka jingmang kaba 5000 tylli ki long ïing bad u kyrmen ban yn ym don shuh ki long ïing ki ban sop ïing da u phlang hapoh ka constituency jong u.
Ha kane ka sngi sdang la don kumba 600 tylli ki long ïing ki ba ioh bynta na ka shnong Wahiajer bad ki shnong ba Marjan. Ia ka jingsam ia kine ki tin yn dang bteng ha ki sngi ba bud sha baroh ki shnong bad ki dong jong ka constituency khnang ban pynsuk ia ki paidbah.
