U Myntri Rangbahduh jong ka ri India u Narendra Modi ula pynpaw ka jingsngewsih jur bad ka jingduh bakhraw halor ka jingkhlad noh jong u Pope Francis mynta ka step.
“Nga dap da ka jingsngewsih ba khraw halor ka jingkhlad noh jong u Pope Francis. Ha kane ka kynta jong ka jingkynmaw sngewsih, nga pynpaw ka jingsngewsngewsih lem sha baroh ki kynhun riewngeit Catholic kiba don ha kylleng sawdong ka pyrthei. Ia u Pope Francis yn iaid kynmaw kum u nongialam ba don jingisynei, ka jingtip briew bad ka jingpynshlur mynsiem ia ki million ngut ki briew sawdong ka pyrthei. Naduh ka jinglong samla, ula bud ryntih ia ki dienjat jong u Jisu Khrist. U la ai ka jingshakri sha ki baduk ba kyrduh bad kiba shem jynjar khuslai, da kaba ai ia ka mynsiem jong ka jingkyrmen ia ki. Ngan iaid kynmaw ia ka jingiohlad jong nga ban ia kynduh bad u Pope Francis ha u snem 2024 ha Vatican ha ka por ba nga leit jngoh ia ka ri Italy, bad nga la ioh mynsiem shibun da ka jinglong jingman jong u ha baroh ki liang jong ka roi ka par. Ka jingieit jong u Pope ia ki nong India yn iai kynmaw ieit junom. Nga duwai ba ka mynsiem jong u kan lap ia ka jingshongsuk ha ki kti jong U Blei. La pynkut u Modi ha ka jingpyllait khubor lyngba ki rynsan Social Media jong u.
[Photo credit : Narendra Modi FB]