ka Kynhun kaba la tip kum ka Khasi Jaiñtia National Highway Truck Driver Union (KJNHTDU) ha ka 23 tarik ïaiong ka la wan kynduh ia ki lad pathai khubor ha shillong Press Club halor ka jingkynnoh ba u President kane ka kynhun u Bah Gayreth Jason Basaiawmoit u la donkti ha kaba ban pynbudnam ia ka Seng da kaba leit khynra trading license ia ki dukan ha Mihmyntdu Jowai.
Haba kren sha ki lat pathai Khubor na ka liang u Bah Neolin Ksoo, Treasurer Khasi Jaintia National Highway Truck Driver Union bad u Bah Jan Phawa, Publicity Secretary kila kynnoh ba u tei u President haba u leh kino kino ki kam u leh marwei bad u khlem Pyntip sha ka kynhun jong ka Seng.
Shuh shuh na ka liang kane ka kynhun ka la pynpaw ba kum ki Dkhot kim kwah ba ka seng ne ka Kynhun jong ki kan jah burom tang na ka jingleh marwei jong u President kumta ka EC kan Sospon bad kin sa pyrkhat lada dei ban weng ruh kan weng beit.
Kitei ki Dkhot jong kane ka kynhun KJNHTDU kila pynpaw ïa ka jingbym sngewtynnad ïa ka rukom treikam jong utei u President bad kim don jingshaniah shuh ia mynta kumta kila rai ban sospon beit ia u.