Ka kynhun Myntri jong ka sorkar ha ka 1 tarik Jymmang ka la shong jingialang bad ka la rai katto katne ki mat kiba kongsan ha kane ka kynhun myntri.
Haba kren bad ki nongthoh khubor hadien la wai ka kynhun Myntri,U Myntri ka sorkar jylla uba dei ruh u nongaiktien ka Sorkar u Bah Paul Lyngdoh u la ong ba ki don ki skul khamtam ki skul secondary, ka sorkar ka la rai ban kyntiew noh ia ki hynriew tylli ki secondary school sha ka Higher Secondary School, kata ka long ka Rymbai Government Secondary School East Jaintia hills, ka Umthlong Nongthliew Government Secondary School, Nongtalang Govt Secondary school , Tirot Sing Memorial Govt Secondary school Laitkynsew, Tura Public School bad ka Jowai Public School, kine ki dei ki skul kiba la kyntiew sha ka Higher Secondary School.
U la bynrap ki don ki skul ki bym don ia ki stream kum ka Commerce stream kaba kin wan rah thymmai noh ha Government Boys Higher Secondary school Tura, Dalu Government Higher Secondary School West Garo hills, Baghmara Government Higher Secondary school Baghmara, Government Boys higher secondary school Jowai, Sohkha Government Higher Secondary School Sohkha, nangta ki don ki skul ki bym don ia ka Science stream Kum ka Tirot Sing Memorial Higher Secondary School Nongkhlaw bad ki wei ha kaba kin sa wanrah noh ia ka Science Stream.
u la iathuh ba la sorkar ka khlem pyndap shuh ia ka post Director Civil Defence namar ki don ki ophisar kiba la don slem ha ka kam bad ban ai mynsiem shuh shuh ia ka jingtreikam jong ki namar ki la tbit ia ka kam, ka kynhun myntei ka la mynjur ban thaw noh ia ka post u Director da kaba amendment ia ka Meghalaya Civil Defence and home guard service rules 1989.
Ka Sorkar Jylla lyngba ka Cabinet Meeting kala mynjur ia ka policy Vehicle Scrappage Policy ha kaba ka sorkar ka la rai ban ym shah shuh ia ki kali ban iaid ha surok kiba ktah ia ka jingkhuid ka Lyer bad ban peit ruh ia ka jingkhap ngiah ha sor Shillong .
Ka sorkar ka la shim ia ka rai ba ki kali kiba la 15 snem sha neng kiba dei jong ka sorkar kiba don kumba, 5000 tylli ki kali Sorkar ki la hap hapoh kane ka Policy die scrap bad yn sa weng noh ia ki napoh ki surok.
Haba iadei bad ki kali shimet, u Bah Paul ula ong Ngin pyntreikam shuwa nyngkong ia ka Policy da kaba buh tang ia ki kali kiba la dap 35 snem lane palat, bad ki don kumba 8000 tylli kum kine ki kali.
Haba ban jur ia ki jingmyntoi jong kane ka policy, u Bah Paul ula ong ka jingmyntoi kaba khraw eh ka long ban ailad ia ka Sorkar ba kan pynduna ia ka jingpynmih tdem, pynduna ia ka jingthied umphniang kali bad pynshlur ban shna tiar da ki kali rim bala pynkylla marjot.
U Bah Paul u la pyntip ba ka Shillong ka don kumba 2,76,262 tylli ki kali kiba la register haba bynrap ba kane ka sien jam ka dei kaba iasyriem bad ki sienjam bala leh ha baroh kawei ka Ri.
Haba ia dei bad ka tnat ka koit ka khiah, u Myntri ka sorkar jylla u laiathuh ba kine ki Traditional Medicine kum ka Homeopathy, Ayurveda bad ki wei kiba la sdang ban paw ha ka jylla jing ngi.
Ka sorkar ka la shim ia ka rai ban don noh da ki service rules na ka bynta kine ki jait jingsumar da kaba ka sorkar ka la ai kyrteng kum ka Ayush Medical Service Rules 2025.