U Public Relations Officer jong ka NEIGRIHMS u la pyntip ba la don u wei u briew ba la tip kyrteng kum u Shanta Bahadur (70 snem) u la khlad noh hapoh katei ka Hospital myn ha ka 6 tarik u Rymphang, 2025 bad ia ka met jong u la buh ha ka jaka buh met iap jong ka tnad Forensic Medicine haduh mynta.
Wat la na ka liang jong ki bor Hospital kila kyrpad la bunsien ïa kiba haïing hasem jong une u rangbah ba kin wan shimti noh ïa ka met ïap, hynrei haduh mynta ym pat don kiba haïing hasem ne ki briew kiba ithuh ïa u kiba la wan shakhmat ban dawa ïa ka met ïap haduh kine ki sngi.
Kumta, ki bor ba dei peit, ka NEIGRIHMS kila pyntip sha baroh kiba dei hok, ba ki dei ban wan mih ne dawa ïa ka met hapoh 48 kynta naduh ba la pynmih ïa kane ka jingpynbna (khubor), lada ym don ba wan kam, na ka liang ka Hospital kan sa pyndonkam ïa ka met na ka bynta ki jingpule katkum ka aiñ jong ka Meghalaya Anatomical Act 2017 khlem da ai jingpyntip shuh.
Ban dawa ïa ka metïap, kiba haïing hasem ki dei ban phone ïa u Dr. Daunipaia Slong, Additional Professor ka tnad Forensic Medicine, NEIGRIHMS ha u number 9863957224 lane ban leit jngoh hi ha ka jaka buh met ïap jong ka NEIGRIHMS.
