Ka ICAR- Central Plantation Crops Research Institute (CPCRI), Kasaragod, Kerela, ha ka jingiatreilang bad ka Directorate of Horticulture, Department of Agriculture & Farmers Welfare bad ka Department of Soil & Water Conservation Meghalaya ka la pynlong ia ka jingialang jong ki nongshim bynta ka ba shi sngi halor ka phang “Scientific Cultivation for Sustainable Production of Arecanut and Cocoa” ha Meghalaya Agricultural Management and Extension Training Institute (MAMETI), Upper Shillong ha ka 2 tarik u Naiwieng, 2025.
Ha kane ka prokram ki Scientist na ka ICAR-CPCRI, Kasaragod, Kerela bad ka ICAR-CPCRI” Kahikuchi, Assam ki la wan ban ai jingtip bniah halor ka phang “Arecanut Production Technologies” lyngba u stad saian, ka CPRI Dr. Bhavishya. Ia ka phang halor ka “Prospects of Cocoa cultivation in Meghalaya” la ai jingbatai da i Dr. Alpana Das ka Scientist ba dei peit ha ICAR-CPCRI Kahikuchi, Assam.
Nalor kine u Dr. Balkho R. Marak u Assistant Soil and Water Conservation Officer, Shillong ula pynsngew ia ka jinglong jingman jong ka jingrep ia u Cocoa hapoh ka jylla.
Ka M. Ch. Marak, Assistant Director ka tnad Horticulture (PSC), Shillong ka la ai jingkren ia ka jingthung ia u Arecanut ha ka Jylla. Ka Director ka Horticulture ka kong B. Mylliem Umlong ka la long ka Kongsan ha kae ka sngi.
Kumba shispah ngut ki nongïashim bynta ba kynthup ïa ki heh ophisar na ka Directorate of Horticulture, Agriculture, ki KVK, ki nongtrei ka ATMA bad ki nongrep na ka Jylla ki la wan ban ïashim bynta ha kane ka prokram.
Ha ka 1 tarik u Jymmang, 2025 ka kynhun ka la pynlong ruh ia ka jingleit jngoh ia ka kper Arecanut kaba la shah ktah ha u Budrot ha ka shnong Nongmyndoo, West Khasi Hills District, ha kaba ki riew shemphang ki la iasam ia ka jingtip sha ki nongrep na ka bynta ban iada bad tehlakam halor kane.