Ka Jaiñtia Students’ Union (JSU), Sengkmie kala ïoh ban pynthymmai ïa ki nongkitkam jong ka JSU Southern Southern Border Zone ha ka jingïalang kaba la long ha ka 3 tarik u Jymmang bala pynïaid da u Nevercare Passah, Social Secretary JSU Sengkmie.
Ha katei ka sngi la ïoh ïa ka jingkren na ki nongïalam ka seng kynthup ïa u Ryngkat Diengdoh, Vice President JSU Sengkmie, u ma Ajoymeson President ka JSU Southern Border Zone, ma Borntifulson Rupon President JSU Jowai Circle bad la ïoh ban pyntian smai ïa ki nongkitkam ba thymmai ka JSU Southern Border Zone da u General Secretary Sengkmie u Samla Neilkee Mukhim.
Haba ai jingkren u samla Neilkee uba la ai ka jingkyntu bad kitbok kitrwiang ïa ki nongkitkam ka seng bad na ka liang ka JSU Sengkmie ka nang ai mynsiem ïa kane ka JSU Southern Border Zone ba kan nang trei shitom bad trei shitrhem na ka bynta ka thaiñ border khamtam ba kin ïatreilang lang bad ki shnong baroh ha katei ka thaiñ ban peit pyrman ïa ka jingrung kyrthep jong ki Bangladeshi sha ka bri u hynnñiew trep bad ban khanglad ïa ki myndie ri kiba ju mlien ban pynrung beaiñ shapoh ka bri u Hynñiewtrep ka Ri Jaiñtia ba ieit.
Ki nongkitkam bathymmai jong ka Southern Border Zone ki long kumne u Ajoymeson Lyngdoh kum u President, u Teimon Palong Vice President, u Barister-General Secretary, u Ibaimon Biam -Asst Secretary, u Deinichwa Lamare- Organising Secretary, u Royas Lyngdoh -Education Secretary, u Helpful -Sport Secretary, u Livingson Sumer -Discipline Secretary, u Super Lyngdoh -Finance Secretary bad u Agriculture Secretary, u Leki Sungoh. La jied ruh ïa ki 5 (San) ngut ki Member ka seng.