Ha ka khubor ba la pyllait da u Senior Staff Officer & Addl. PRO ka Directorate of Civil Defence & Home Guards, Meghalaya Shillong u bah P.H. Shylla, u la pyntip paidbah ba kan sa don ka jingleh Mock Drill ne ka “Mock Exercise on Air Raid Precuations measures” kaba long kum shi bynta ban pynkhreh ia ka jingshah hiar thma na suiñ. Kaba long ruh shi bynta na ka jingbthah jong ka sorkar pdeng lyngba ka tnad Ministry of Home Affairs Govt. of India.
Ia kane ka Mock Exercise yn pynlong lashai ka 7 tarik Jymmang 2025 naduh ka por 4:00 janmiet shaneng. Kan sa don ka jingpynpah ia ki Siren ha ka por 6:30 PM bad bud sa ka “Black-Out” Exercise ne ka jingpynlip bor ding kumba 2 minit hadien ka jingpah siren.
Kumta na ka liang ki bor sorkar ki kyntu ia ki paidbah ba kim dei ban sheptieng halor kane, namar ka dei tang ka lad jingpynkhreh lada jia ka jingshah hiar thma na suiñ ia ki shnong ki thaw.