Ka tnad Civil Defense & Home Guard hynne ka sngi 7 tarik Jymmang ka la pynlong ia ka mock Drill ha skul St. Anthony Higher Secondary School Laitumkhrah Shillong.
Ha kane ka jingiashim bynta la iasnohkti lang da ki khynnah skul ka St. Anthony, ka tnad Civil Defense & Home Guard, ka SDRF ki Doctor bad kiwei kiwei.
Ka jingpynlong ia kane ka mock drill ka long kum shi bynta ban pynkhreh na ka jingshah hiar thma bad ha ka por 6:30 janmiet ka la don ka jingpynpah siren bad ka jingpynlip light kaba 2 minute ha nongbah shillong bad ka la pynlong ia ka nongbah shillong ban dum tliw tliw.
Ka jingpynlong ia kane ka Mock Drill ka dei hadien ba ka tnad Kam Pohïing jong ka sorkar India ka la bthah ia ki sorkar jylla ba kynthup ia ka jylla Meghalaya ba kin pynlong ia ka Mock Drill kum shi bynta ban ai jinghikai ia ki paidbah na ka jingshah hiar thma.
