Ka Deputy Commissioner & Chairperson (DDMA) jong ka East Khasi Hills District kala pynmih ia ki kyndon jingmaham ia ki nongshong shnong ban lait na ki jingmynsaw na ka jingjur u slap, ka lyer bad ka jingtied u pyrthat.
La bthah ba ki nongshong shnong kin khmih bad pynskhem bha ia ki tiar ki tar kiba lah ban shah rong ha ka lyer kum ki thup dieng, ki tin sop lane mawit ba shong synjor, ki tin/ sop theh ñiut,-ki sign board bad kiwei kiwei ki mar kiba lah ban shah rong ha ka por ba jur lyer. Lada ka jingba leilieh ka long kaba jur bad nehslem kan bha shibun ban nym pyndonkam ne ban pynmeh ia ki tiar elektrik kum ki mobile, isteri, radio, telebision bad kiwei kiwei ki tiar kiba pyndonkam da ka bor elektrik.
Ki nongshong shnong kidei ban long kiba phikir ban iada ialade namar ka jingshlei um ka lah ban jia hadien jong u lapbah khamtam ha ki jaka kiba harud jong ki wah bad ki wanduid.
La kyntu ia ki paidbah ban kiar na kaba jam ia ki wanduid, ki wahbah bad ki kshaid ha ka por ba jur slap. Namar ym lah ban thikna ia ka bor jong ka bad ka um kaba jyndong bad tuid sted ka lah ban pynkyllon ia kiba jam shiliang.
Ym dei ban tur ne ñiah ia ki kali haba don ka jingshlei um bad kiar na ki post electrik ban lait na ka jingshah bat ha ki bor electrik.
Lada don kino kino ki jingjia ba kyrkieh lah ban phone ha u number 112