U General Secretary Ka Meghalaya Pradesh Congress Committee (MPCC) u Bah Manuel Badwar haba kren sha ki lad pathai khubor u la ong ba ka sorkar kam ju thaw ia ka All party meeting ha bun ki mat kiba don kam jong ka jylla, ki shim ia ka rai da lade namar ki don ka bor ban shim ia ka rai.
U la bynrap da kaba ong ba mynta ba kim lah ban iaid sha khmat ki sdang ban wan rah lang ia ki wei ki seng bad kynnoh ia baroh kata kam dei ka lynti kaba dei. Ban leh aiu ba ka Congress kan ia shim bynta ha kine haba kim lah ban shim rai da lade.
U la ong ba ngin sa peit halor kane, bad ban thaw ia ka komiti tang na ka daw ba kim lah ban rai, lada phi thrang ba ki wei ki seng kin ia don bynta lang ai lad ba kin don lang ha baroh ym tang ha ka wei ka mat.
Hato ka don ka all party meeting haba ki wan rah ia ka Casino, ka kham khappud em kam don, balei ban khot mynta tang ha kane ka mat. la kynthoh u bah Manuel.